ՀՀ Կոռուպցիայի կանխարգելման հանձնաժողով

Կոռուպցիայի կանխարգելման հանձնաժողովում (այսուհետ ` ԿԿՀ) հունիսի 6-ին տեղի ունեցավ «Բարեվարքության խթանում և կոռուպցիայի կանխարգելում Հայաստանի պետական ոլորտում» ԵՄ Թվինինգ ծրագրի ղեկավար կոմիտեի 5-րդ նիստը: Նիստին մասնակցում էին ԿԿՀ նախագահ՝ Հայկուհի Հարությունյանը, ԿԿՀ անդամներ, ՀՀ արդարադատության նախարարության, գերմանական Միջազգային իրավական համագործակցության հիմնադրամի (IRZ), Լատվիայի արդարադատության նախարարության ներկայացուցիչներ: Նիստին ընդգրկված էր միջանկյալ եռամսյակային հաշվետվության ներկայացումը:

Հանձնաժողովը տեղեկացնում է, որ 2022 թվականի տարեկան հայտարարագրերի՝ օրենքով սահմանված ժամկետներում հրապարակումն ապահովելու ընթացքում հայտարարագրման նոր էլեկտրոնային համակարգի՝ 2023 թվականին առաջին անգամ գործարկմամբ պայմանավորված, հնարավոր տեխնիկական և անվտանգային խնդիրները շտկելու նպատակով համակարգը նախագծող ընկերության կողմից համապատասխան աշխատանքների իրականացման համար 2023 թվականի հունիսի 7-ին՝ ժամը 14:00-16:00, համակարգն անհասանելի կլինի, որից հետո մեկօրյա ժամկետում նոր համակարգով ներկայացված հայտարարագրերը կսինխրոնիզացվեն հայտարարագրերի հրապարակային ռեեստրում, և կապահովվի դրանց հանրային հասանելիությունը:

Մայիսի 29-ին Կոռուպցիայի կանխարգելման հանձնաժողովում (այսուհետ՝ Հանձնաժողով), ԵՄ փորձագետներ Սվեն Իվենսի և Թորստեն Փիթերսի մասնակցությամբ տեղի է ունեցել «Բարեվարքության խթանում և կոռուպցիայի կանխարգելում Հայաստանի պետական ոլորտում» ԵՄ Թվինինգ ծրագրի Բաղադրիչ 1-ի 1.2 ենթաբաղադրիչի շրջանակում մայիսի 29-ից հունսի 2-ը նախատեսված առաքելության գործողությունների քննարկումը։

Հունիսի 2-ին Կոռուպցիայի կանխարգելման հանձնաժո ղովի ( այսուհետ՝ Հանձնաժողով ) նախագահ Հայկուհի Հարությունանի մասնակցութամբ տեղի է ունեցել ԵՄ Թվինինգ ծրագրի 1.2 ենթաբաղադրիչի՝ մայիսի 29-ից հունիսի 2-ն ընկած ժամանակահատվածում կայացած առաքելության ամփոփում: Ծրագիրը Հայաստանի Հանրապետության հանրակրթության համակարգում բարեվարքության սկզբունքների և հակակոռուպցիոն կրթական ծրագրի ներդրման մեծ հնարավորություններ է ընձեռում։ Մի կողմից Հանձնաժողովի ուշադրության կենտրոնում...

Հունիսի 1-ին Կոռուպցիայի կանխարգելման հանձնաժողովում (այսուհետ՝ Հանձնաժողով) տեղի ունեցավ «Կոռուպցիայի վերաբերյալ իրազեկվածությունը և վերջինիս կանխարգելումը հանրակրթության միջոցով» խորագրով աշխատաժողովի ամփոփումը, որը ենթադրում էր նաև միջազգային փորձագետների կողմից հանրակրթության ոլորտի համար մշակված նյութերի՝ հայկական միջավայրի համար տեղայնացման հնարավորությունները: Հանդիպմանը ներկա էին Հանձնաժողովի կրթական, հանրային իրազեկվածության ծրագրերի և մոնիթորինգի վարչության աշխատակիցները, ԵՄ Թվինինգ ծրագրի փորձագետները, «ԿԶՆԱԿ» հիմնադրամի, «Փրոջեքթ Հարմոնի» ընկերության հայաստանյան գրասենյակի, «Դասավանդի՛ր, Հայաստան» կրթական հիմնադրամի ներկայացուցիչներ, վերապատրաստողներ:

Կոռուպցիայի կանխարգելման հանձնաժողովը՝ (այսուհետ՝ Հանձնաժողով), կարևորելով հակակոռուպցիոն կրթական ծրագրերի ներդրումը և հակակոռուպցիոն իրազեկվածության բարձրացումը՝ մայիսի 31-ին ԵՄ Թվինինգ «Բարեվարքության խթանում և կոռուպցիայի կանխարգելում Հայաստանի պետական ոլորտում» ծրագրի բաղադրիչ 1-ի 1.2 ենթաբաղադրիչի շրջանակներում կազմակերպել է «Կոռուպցիայի վերաբերյալ իրազեկվածությունը և վերջինիս կանխարգելումը հանրակրթության միջոցով» խորագրով աշխատաժողով: Աշխատաժողովի նպատակն էր նույն բաղադրիչի նախորդ առաքելությունների արդյունքում հակակոռուպցիոն կրթության բովանդակության և դասավանդման մեթոդների վերաբերյալ ուսուցիչների և վերապատրաստողների համար մշակված նյութերի գործնական փորձարկումը, դրանց վերաբերյալ մասնակիցներից հետադարձ կապի ստացումը և դրան հաջորդող աշխատանքների միջոցով տեղայնացումը:

Ազգային ժողովի պետական-իրավական հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստի «ՀՀ 2022 թ. պետական բյուջեի կատարման մասին» տարեկան հաշվետվության նախնական քննարկումների ժամանակ ելույթ է ունեցել Կոռուպցիայի կանխարգելման հանձնաժողովի նախագահ Հայկուհի Հարությունյանը։ Նա, մասնավորապես, նշել է, որ. «Հանձնաժողովը 2022թ.-ին ընդհանուր ունեցել է երկու ծրագրային միջոցառում՝ կոռուպցիայի կանխարգելում և բարեվարքության համակարգի զարգացում։ Ընդհանուր բյուջեից հատկացված միջոցները նախատեսված են եղել 333 մլն. 580 հզ. դր, ծախսվել է ավելին` 258 մլն. 408 հզ. դր։ Պատճառը, ըստ էության, ընթացիկ ավելացած նոր գործառույթների` կուսակցությունների աուդիտի համար լրացուցիչ իրականացված ծախսերն են, որը ստացվել է պահուստային ֆոնդից և երկրորդ` արդեն ծրագրային միջոցառումը հանձնաժողովի կարողությունների զարգացում, որն ընդամենը արժեցել է 13 մլն. 751 հզ. դրամ:

Մասնակցում է Կոռուպցիայի կանխարգելման հանձնաժողովի հանրային ծառայողների վարքագծի վերահսկողության վարչության պետ Նարինե Ավետիսյանը

Հրազդանի թիվ 1 ավագ դպրոցի աշակերտները Մայիսի 30-ին հյուրընկալվել են Կոռուպցիայի կանխարգելման հանձնաժողովում «Դարձի՛ր փոփոխության առաջնորդ» երիտասարդական կրթական ծրագրի շրջանակներում:

Հայաստանում Եվրոպական քոլեջ հիմնադրամի կառավարում 3-րդ կուրսի և գործավարություն՝ լեզվի խորացված իմացությամբ 4-րդ կուրսի ուսանողները 2023 թվականի մայիսի 11-ից մայիսի 25-ն ընկած ժամանակահատվածում իրենց մասնագիտական և կառավարչական պրակտիկան էին անցկացնում ՀՀ Կոռուպցիայի կանխարգելման հանձնաժողովում:

Բոլոր այն հայտարարատուները, ովքեր չեն ստացել համակարգ մուտք գործելու համար օգտանուն և գաղտնաբառ կամ ում չի հաջողվում ստացված տվյալներով մուտք գործել հայտարարագրման էլեկտրոնային համակարգ, խնդրում ենք իրենց տվյալները լրացնել սույն հղումով ներկայացված ձևաթղթում՝ https://bit.ly/42jZaC0 :

Հաշվի առնելով «Ինֆորմացիոն կոմիտե» տեղեկատվական ՀԿ infocom.am լրատվական կայքի և նույն լրատվական կայքի լրագրող Մկրտիչ Կարապետյանի կրկնվող վարքագիծը, այն է՝ ներկայացված փաստերը վերարտադրվում են դրանք խեղաթյուրելով, մոլորեցնելով ընթերցողին, ձևավորելով պատրանք հաղորդվող տեղեկատվության անաչառության, ճշգրտության վերաբերյալ, այսուհետ նույն լրատվական կայքից և վերջինիս լրագրողներից ստացվող հարցումներին պատասխան տրվելու է բացառապես հրապարակային կարգով: