ՀՀ Կոռուպցիայի կանխարգելման հանձնաժողով

Կոռուպցիայի կանխարգելման հանձնաժողովի ստորաբաժանման ղեկավարները 2023թ. ապրիլի 17-ին և 18-ին մասնակցում էին «Աջակցություն ՀՀ-ում արդարադատության ոլորտի բարեփոխումներին» ԵՄ կողմից ֆինանսավորվող ծրագրի շրջանակներում կազմակերպած «Կատարողականի կառավարման հմտությունների ներկայացում, կարողությունների ուժեղացում և զարգացում» թեմայով վերապատրաստման դասընթացին։

2023 թվականի ապրիլի 17-ին, պետական մարմինների հետ համագործակցության շրջանակներում, Կոռուպցիայի կանխարգելման հանձնաժողովի կողմից և նրա նախաձեռնությամբ, Հակակոռուպցիոն կոմիտեի հայտարարատու պաշտոնատար անձանց հետ կազմակերպվեց «Հայտարարագրման գործընթաց» թեմայով աշխատանքային քննարկում:

2023 թվականի ապրիլի 12-ին Կոռուպցիայի կանխարգելման հանձնաժողովը որոշում է կայացրել Երևանի քաղաքապետի տեղակալ Տիգրան Ավինյանի կողմից անհամատեղելիության պահանջների առերևույթ խախտման վերաբերյալ թիվ 10/2022 վարույթը կասեցնելու մասին: Կոռուպցիայի կանխարգելման հանձնաժողովն իր որոշմամբ հիմնավորել է, որ վարույթի շրջաակներում ձեռք բերված նյութերում առկա են տվյալներ, որոնք պետք է ուսումնասիրվեն այլ պետական մարմինների կողմից:

Տեղեկացնում ենք, որ հայտարարագրման էլեկտրոնային համակարգի «Ուղեցույցներ» բաժնում հասանելի են հայտարարագրերի լրացման տեխնիկական և բովանդակային ուղեցույցները, ինչպես նաև «Օգնություն» բաժինը, որը հնարավորություն է տալիս իրական ռեժիմում կապ հաստատել Հանձնաժողովի հետ:

Կայացել է Ժողովրդավարական ուսումնասիրությունների միջազգային առցանց ֆորումը՝ նվիրված էսսեների ժողովածուի թողարկմանը, որում ներկայացվելու են մասնակիցների հեղինակած զեկույցների նյութերը:

Կոռուպցիայի կանխարգելման հանձնաժողովը, առաջնորդվելով ՀՀ վարչապետի 2023 թվականի հունվարի 26-ի՝ Հայաստանի Հանրապետության 2024 թվականի բյուջետային գործընթացը սկսելու մասին N 86-Ա որոշմամբ հաստատված ժամանակացույցի 21-րդ կետի պահանջով*, շահագրգիռ կառույցներին հրավիրում է հանրային քննարկման, որի օրակարգում Հանձնաժողովի 2024թ. բյուջեի հայտն է և 2024-2026թթ. միջնաժամկետ ծախսային ծրագիրը:

  Հայտարարագրման էլեկտրոնային համակարգը ժամանակավորապես անհասանելի կլինի 15.04.2023 թվականին   Ի գիտություն հայտարարատուների` Կոռուպցիայի կանխարգելման հանձնաժողովը տեղեկացնում է, որ 2022 և 2023 թվականների պաշտոնեական պարտականությունները ստանձնելու և դադարեցնելու հայտարարագրերը հայտարարագրման նախկին էլեկտրոնային համակարգից տեղափոխելու գործընթացով պայմանավորված՝ 2023 թվականի ապրիլի 15-ին՝ ժամը 14:00-22:00 ժամանակահատվածում, հայտարարագրման էլեկտրոնային...

Հանձնաժողովը շարունակում է իրականացնել հայտարարագրերի լրացման աջակցության նպատակով նախաձեռնած աշխատանքային քննարկումներ, որոնց մասնակցել կարող են շահագրգիռ բոլոր անձինք:

«Իրավաբանների հայկական ասոցիացիա» ՀԿ-ը, «Իրավունքի Եվրոպա միավորում» ՀԿ-ը, Հայաստանի արդյունաբերողների և գործարարների միությունը՝ Հայաստանի ՔՀԿ-ների հակակոռուպցիոն կոալիցիայի հետ համագործակցությամբ իրականացնում են Հայաստանի Հանրապետության հակակոռուպցիոն ռազմավարության (այսուհետ՝ Ռազմավարություն) և դրա իրականացման 2019-2022 թվականների միջոցառումների 2022 թվականի տարեկան կատարման այլընտրանքային հասարակական մշտադիտարկում, որը, ի թիվս այլնի, ենթադրում է որակական և քանակական մեթոդների կիրառությամբ Ռազմավարության գործողությունների ծրագրերի իրականացման առաջընթացի վերաբերյալ տեղեկատվության հավաքագրում։

Բարեվարքության հարցերով կազմակերպիչների և վերապատրաստողների դասընթացի 4֊րդ օրը նվիրված էր մասնակիցների կողմից ընդօրինակման դասեր անցկացնելուն, որոնց ընթացքում նրանց հնարավորություն էր ընձեռնվել անմիջապես կիրառել մեթոդաբանության և դասընթացի սկզբնական փուլում ստացած հաղորդակցման հմտությունների վերաբերյալ գիտելիքները:

Կոռուպցիայի կանխարգելման հանձնաժողովը լրամշակել և ՀՀ արդարադատության նախարարություն է ներկայացրել պետական և տեղական ինքնակառավարման մարմիններում կոռուպցիոն ռիսկերի կառավարման հայեցակարգի նախագիծը, որը նախանշում է Հայաստանի Հանրապետության պետական քաղաքականության համակարգում նոր գործիքի ներդնում՝ հանրային կառավարման ամբողջ համակարգում կոռուպցիոն ռիսկերի համապարփակ գնահատում և կառավարում՝ միջազգայնորեն ընդունելի չափանիշների, կառուցակարգերի, միջազգային հակակոռուպցիոն կազմակերպությունների կողմից տրված առաջարկությունների վրա հիմնված միասնական մեթոդաբանության կիրառմամբ:

Բարեվարության հարցերով կազմակերպիչների վերապատրաստման 2-րդ մասում նախատեսված է անդրադարձ ուսուցման մեթոդաբանության կարևոր կողմերին, ինչպիսիք են՝ վերապատրաստման նպատակները, խնդիրները, հնարքները, հաղորդակցման հմտությունները և այլ էական հարցեր, որոնք անհրաժեշտ վերապատրաստող դառնալ ցանկացողների համար։ Ծրագիրը ներառում է նաև վարժանքներ։