Ընտանիքի անդամների տվյալները լրացնելու վերաբերյալ
![](http://cpcarmenia.am/files/n_pics/4121_b.jpg)
Ի գիտություն հայտարարատու պաշտոնատար անձանց՝
Հանձնաժողովը վերստին հիշեցնում է, որ ընտանիքի անդամների վերաբերյալ կարգավորումները գտնվում են պաշտոնատար անձանց տիրույթում։
Համակարգ մուտք գործելուց հետո անհրաժեշտ է ստուգել ընտանիքի անդամների անձնական տվյալներում էլեկտրոնային փոստի առկայությունը, բացակայության դեպքում լրացնել և պահպանել, որից հետո տվյալ ընտանիքի անդամը համակարգից ինքնաշխատ եղանակով կստանա ծանուցում։
Միաժամանակ անհրաժեշտ է ստուգել և լրացնել ընտանիքի անդամների սկզբի և ավարտի ամսաթվերը, որից կախված` ընտանիքի անդամի 2022 թվականի տարեկան հայտարարագիրը կստեղծվի պաշտոնատար անձի հետ 2022 թվականին 183 և ավելի օր համատեղ բնակվելու դեպքում։
Անչափահաս զավակի (այդ թվում՝ որդեգրված)՝ չափահաս դառնալու դեպքում Համակարգում՝ որպես ավարտի ամսաթիվ նշվում է նրա՝ չափահաս դառնալու օրվան նախորդող ամսաթիվը, իսկ արդեն, որպես համատեղ բնակվող չափահաս անձ, ավելացվում է՝ սկզբի ամսաթիվ լրացնելով չափահաս դառնալու ամսաթիվը: