Հանձնաժողովի կողմից ներկայացված՝ «Բաց կառավարման մարտահրավեր» հանձնառությունն ընդգրկվել է 2025 թվականի Բաց կառավարման գործընկերություն նախաձեռնության (ԲԿԳ) Ասիա-Խաղաղօվկիանոսյան տարածաշրջանային համաժողովի՝ հակակոռուպցիոն ոլորտի մարտահրավերների շարքում և ներկայացվել բացման նստաշրջանում՝ Մանիլայում, որտեղ ընդգծվել է հանձնառության կարևորությունը Հայաստանի հակակոռուպցիոն բարեփոխումների համատեքստում:
Նստաշրջանին ներկա են գտնվել անդամ պետությունների բարձրաստիճան պաշտոնատար անձինք, միջազգային կազմակերպությունների և քաղաքացիական հասարակության ներկայացուցիչներ: Հանձնաժողովի նախագահի պարտականությունները կատարող Մարիամ Գալստյանը մասնակցել է նստաշրջանի աշխատանքներին՝ հայաստանյան պատվիրակության անունից ստանալով «Բաց կառավարման մարտահրավեր» նախաձեռնությանը մասնակցության պաշտոնական վկայագիրը:
Նվերների հաշվառման ռեեստրի ներկայացված հանձնառությամբ ապահովվելու է՝
✅ Հանրային պաշտոն զբաղեցնող անձանց և հանրային ծառայողների կողմից ստացվող նվերների հաշվառման գործընթացի ավտոմատացումը,
✅ Հասարակության և շահագրգիռ կողմերի, այդ թվում՝ ԶԼՄ ներկայացուցիչների հասանելիությունը նվերների հայտարարագրերին՝ ամրապնդելով հանրային վերահսկողությունը,
✅ Հակակոռուպցիոն վերահսկողությունը՝ շահերի բախման կանխարգելման և պետական կառավարման թափանցիկության բարձրացման նպատակով։
