Կոռուպցիայի կանխարգելման հանձնաժողովը՝ կարևորելով քաղաքացիական հասարակության կազմակերպությունների և ԶԼՄ ներկայացուցիչների ներգրավվածությունը կոռուպցիայի կանխարգելման գործում, ինչպես նաև վերջիններիս մասնակցությունը հանրային վերահսկողության, պետական կառավարման համակարգի թափանցիկության և հաշվետվողականության ապահովման գործընթացներում, նախատեսում է կազմակերպել «Կոռուպցիայի կանխարգելման կարևորությունը և ԿԿՀ-ի դերը» խորագրով աշխատաժողով արդյունավետ համագործակցության հարթակ ստեղծելու նպատակով:
Հանձնաժողովը նախաձեռնել է ՔՀԿ և ԶԼՄ ներկայացուցիչների շրջանում իրականացնել կարիքների գնահատում, որոնց արդյունքները կօգնեն աշխատաժողովի այնպիսի թեմատիկ ուղղությունների և ձևաչափի ընտրությանը, որոնք առավել արդյունավետ կհամապատասխանեն մասնակիցների ակնկալիքներին և ոլորտային պահանջներին, որն իր հերթին հնարավորություն կընձեռի Աշխատաժողովը կազմակերպել առավել նպատակային և արդյունավետ:
Հաշվի առնելով վերոգրյալը՝ խնդրում ենք ՔՀԿ և ԶԼՄ ներկայացուցիչներին մուտք գործել հետևյալ հղումով`https://shorturl.at/wpKkE և լրացնել կարիքի գնահատման հարցաթերթը՝ մինչև նոյեմբերի 12-ը ներառյալ:
Ներկայացված ակնկալիքների և կարիքների հիման վրա մշակված օրակարգը կտրամադրվի գրանցված մասնակիցներին:
