Հանձնաժողովը ՀՀ աշխատանքի և սոցիալական հարցերի նախարարության հետ համագործակցությամբ իրականացրել է կոռուպցիոն ռիսկերի պիլոտային գնահատում անձի ֆունկցիոնալության գնահատման համակարգում: Գնահատման նպատակն էր բացահայտել անձի ֆունկցիոնալության գնահատման համակարգում առկա կոռուպցիոն ռիսկերը՝ ներառելով իրավական կարգավորումների բացերը, չկանոնակարգված հարաբերությունները, ոչ համակարգային լուծումները, առկա պրակտիկաները և կոռուպցիոն ընկալումները: Բացի այդ, վերլուծվել են բացահայտված ռիսկերի հիմքում ընկած խորքային պատճառները և գործոնները՝ նպաստելով համակարգի արդյունավետ գործառնությանը խոչընդոտող կոռուպցիոն ռիսկերի զսպմանը։
Գնահատման շրջանակում Հանձնաժողովը համագործակցել է ՀՀ աշխատանքի և սոցիալական հարցերի նախարարության, ՀՀ առողջապահության նախարարության, ՀՀ մարդու իրավունքների պաշտպանի աշխատակազմի, ՀՀ առողջապահական և աշխատանքի տեսչական մարմնի, ինչպես նաև հաշմանդամություն ունեցող անձանց իրավունքների հիմնախնդիրներով զբաղվող հասարակական կազմակերպությունների հետ: Գնահատման հետազոտական փուլը ԱՄՆ ՄԶԳ «Հայաստանի բարեվարքության ծրագրի» աջակցությամբ պատվիրակվել է «Հետազոտական ռեսուրսների կովկասյան կենտրոն-Հայաստան» հիմնադրամին:
Հանձնաժողովը շնորհակալություն է հայտնում գործընկերներին արդյունավետ և համագործակցային աշխատանքի համար:
Գնահատման արդյունքներն ամփոփվել են զեկույցի և ոլորտային հակակոռուպցիոն միջոցառումների ծրագրի մշակմամբ:
