Աշխատաժողով «Հանրային ոլորտում շահերի բախման կառավարման միջազգային համակարգերը» թեմայով

Բարձրաստիճան պաշտոնատար անձանց էթիկայի հանձանժողովի գրասենյակում տեղի ունեցավ «Հանրային ոլորտում շահերի բախման կառավարման միջազգային համակարգերի վերաբերյալ» աշխատաժողովը, որի նպատակն էր Շահերի բախման կառավարման համակարգի բարեփոխման և կարգավորումների կիրարկման կարողությունների զարգացումը: Շահերի բախման տեսակների տարբերությունները, կանխարգելման և կառավարման տեսանկյունից առավել արդյունավետ գործիքների, նվերներին առնչվող կարգավորումների, շահերի բախման կառավարման համակարգերի լավագույն միջազգային փորձի մասին ելույթ ունեցավ Կառավարման և ռիսկի միջազգային ինստիտուտի փորձագետ Դմիտրո Կոտլիարը: Այնուհետեւ ծավալվեց քննարկում՝ շահերի բախման իրավիճակների օրինակներով: Բարձրաստիճան պաշտոնատար անձանց էթիկայի hանձնաժողովի անդամ Էդգար Շաթիրյանը կարեւորեց Շահերի բախման կարգավորումների հայկական համակարգի և Բարձրաստիճան պաշտոնատար անձանց էթիկայի հանձնաժողովի գործառույթները: Մասնավորապես նշվեցին շահերի բախման առավել հաճախ հանդիպող իրավիճակները Հայաստանում, ինչպիսի արդյունավետ գործիքներ է նախատեսում Հայաստանի օրենսդրությունը շահերի բախման իրավիճակների կանխարգելման, բացահայտման և կառավարման համար։ Աշխատաժողովի ավարտին Կառավարման և ռիսկի միջազգային ինստիտուտի փորձագետ Դմիտրո Կոտլիարն առաջարկեց գործնական վարժություններ շահերի բախման իրավիճակների վերաբերյալ: Աշխատաժողովին մաասնակցում էին ՀՀ Քննչական կոմիտեի դեպարտամենտի, ՀՀ արդարադատության խորհրդի, ՀՀ դատական դեպարտամենտի, ՀՀ պաշտպանության նախարարության, Քաղաքացիական ծառայության խորհրդի, ՀՀ ՊԵԿ-ի, ՀՀ գլխավոր դատախազության, ՀՀ ոստիկանության ներկայացուցիչներ: