Հանձնաժողովի՝ 2024 թվականի փետրվարի 6-ի որոշմամբ սահմանվել և ապրիլի 1-ից ուժի մեջ են մտել պետական պաշտոն զբաղեցնող անձանց (բացառությամբ պատգամավորի, դատավորի, Բարձրագույն դատական խորհրդի անդամի, դատախազի, քննիչի), համայնքների ղեկավարների, նրանց տեղակալների, Երևան համայնքի վարչական շրջանների ղեկավարների, նրանց տեղակալների պաշտոն զբաղեցնող անձանց վարքագծի կանոնները:
Կանոնները հիմնված են «Հանրային ծառայության մասին» օրենքով սահմանված վարքագծի սկզբունքների, ինչպես նաև 2022 թվականին Հանձնաժողովի սահմանած՝ վարքագծի տիպային կանոնների վրա։
Վարքագծի կանոնագիրքը պարունակում է վարքագծի 66 պարտադիր և 9 խրախուսելի կանոններ, որոնցով պետք է կարգավորվի հանրային որոշակի պաշտոններ զբաղեցնող անձանց վարքը՝ ծառայողական պարտականությունների կատարման հետ կապված հարաբերություններում, ինչպես նաև՝ մասնավոր կյանքում, այն դեպքերում, երբ մասնավոր վարքագիծը կարող է վերագրվել հանրային իշխանության մարմնին կամ հանրային ծառայությանը։
Կանոնագրքին կարող եք ծանոթանալ հետևյալ հղումով՝ https://shorturl.at/FXN7H:
