ՏԵՂԵԿԱՏՎՈՒԹՅՈՒՆ ԿՈՌՈՒՊՑԻԱՅԻ ԿԱՆԽԱՐԳԵԼՄԱՆ ՀԱՆՁՆԱԺՈՂՈՎՈՒՄ (ԱՅՍՈՒՀԵՏ՝ ՀԱՆՁՆԱԺՈՂՈՎ) ԱՇԽԱՏԱՆՔԻ ԸՆԴՈՒՆՎԵԼՈՒ ՎԵՐԱԲԵՐՅԱԼ
1. Հանձնաժողովի քաղաքացիական ծառայության թափուր հաստիքների համալրումը իրականացվում է Կառավարության 2018 թվականի դեկտեմբերի 27-ի № 1554-Ն որոշմամբ սահմանված կարգով։
Քաղաքացիական ծառայության թափուր պաշտոնների համալրումը իրականացվում է մրցութային կարգով, երկու փուլով՝ թեստավորման և հարցազրույցի միջոցով: Քաղաքացիական ծառայության թափուր պաշտոնների մասին տեղեկատվությունը հրապարակվում է ՀՀ վարչապետի աշխատակազմի քաղաքացիական ծառայության գրասենյակի կայք էջի «Մրցույթների հայտարարություններ» բաժնում և Հանձնաժողովի կայքէջի «Աշխատանք ԿԿՀ-ում» բաժնի «Մրցույթներ» ենթաբաժնում:
2. Հանձնաժողովի ժամանակավոր թափուր պաշտոնների համալրումը իրականացվում է Կառավարության 2018 թվականի հուլիսի 10-ի «№ 792-Ն որոշմամբ սահմանված կարգով:Ժամանակավոր թափուր պաշտոնների համալրումը իրականացվում է դիմում ներկայացրած քաղաքացիների փաստաթղթերի ուսումնասիրության, ինքնակենսագրականների ուսումնասիրության, հարցազրույցի միջոցով: Ժամանակավոր թափուր հաստիքների մասին տեղեկատվությունը հրապարակվում է Հանձնաժողովի կայքէջի «Աշխատանք ԿԿՀ-ում» բաժնի «Մրցույթներ» ենթաբաժնում:
3. Հանձնաժողովի փորձագետների համալրումը իրականացվում է Կառավարության 2018 թվականի օգոստոսի 2-ի № 878-Ն որոշմամբ սահմանված կարգով:
Փորձագետի ընտրությունը իրականացվում է դիմում ներկայացրած քաղաքացիների փաստաթղթերի ուսումնասիրության, ինքնակենսագրականների ուսումնասիրության, հարցազրույցի միջոցով: Փորձագետ ներգրավելու մասին տեղեկատվությունը հրապարակվում է Հանձնաժողովի կայքէջի «Աշխատանք ԿԿՀ-ում» բաժնի «Մրցույթներ» ենթաբաժնում:
4. Հանձնաժողովի նախագահի և Հանձնաժողովի անդամի օգնականի հայեցողական պաշտոններում ընդունելությունը իրականացվում է դիմում ներկայացրած քաղաքացիների փաստաթղթերի ուսումնասիրության, ինքնակենսագրականների ուսումնասիրության, հարցազրույցի միջոցով:
Հանձնաժողովի նախագահի և Հանձնաժողովի անդամի օգնականի թափուր հաստիքների մասին տեղեկատվությունը հրապարակվում է Հանձնաժողովի կայքէջի «Աշխատանք ԿԿՀ-ում» բաժնի «Մրցույթներ» ենթաբաժնում:
5. Մրցույթների արդյունքների վերաբերյալ տեղեկատվությունը հրապարակվում է Հանձնաժողովի կայքէջի «Աշխատանք ԿԿՀ-ում» բաժնի «Մրցույթի արդյունքներ» ենթաբաժնում:
