Տեղի է ունեցել աուդիտորական կազմակերպությունների մրցութային առաջարկների բացման նիստը

08.07.2022

Հուլիսի 8-ին Կոռուպցիայի կանխարգելման հանձնաժողովում տեղի է ունեցել Կուսակցությունների ֆինանսական միջոցների, աղբյուրների, ծախսերի և գույքի մասին տարեկան հաշվետվությունների պարտադիր աուդիտի նպատակով աուդիտորական կազմակերպությունների կողմից ներկայացված առաջարկների բացման նիստը։

Կոռուպցիայի կանխարգելման հանձնաժողովի հրամանով ձևավորված մրցութային հանձնաժողովը հուլիսի 8-ի՝ ժամը 11։00-ի դրությամբ դադարեցրել է աուդիտորական կազմակերպությունների կողմից հայտերի ներկայացման գործընթացը։

Մրցութային առաջարկներ են ներկայացրել հետևյալ աուդիտորական կազմակերպությունները՝

· «Ֆոր Էյ Քնսալթինգ» ՓԲԸ
· «ԹՄ Աուդիտ» ՓԲԸ
· «Պի Կա Էֆ Աուդիտ Սերվիս» ՍՊԸ
· «Թրասթ Աուդիտ» ՓԲԸ
· «Լոնդոն Բիզես Գրուպ» ՀՁ ՍՊԸ
· «Քեյ Էմ Ջի Քոնսալթինգ» ՍՊԸ

Գնահատման փուլի անցկացման վայրի և օրվա վերաբերյալ կհրապարակվի լրացուցիչ տեղեկատվություն Կոռուպցիայի կանխարգելման հանձնաժողովի պաշտոնական կայքում։